Մտածելով Ամանորի մասին

Ես, ճիշտ է, չեմ հավատում ամանորյա հրաշքներին, այդ Ձմեռ պապու շորերով մարդկանց, որոնք մինչև փետրվար հրապարակում քայլում են: Բայց, չգիտես ինչու, դեկտեմբերի սկզբից ես ամանորյա երգեր եմ լսում, արդեն մտածում եմ, թե որտեղ է դրվելու մեր տոնածառը, ինչ խաղալիքներ եմ կախելու տոնածառի վրա և այլն: Նաև Աանորն ինձ համար կրեատիվ տոն է: Հենց այդ օրերին ես դարակից հանում եմ գունավոր թղթեր, որոնք ամբողջ տարի սպասում էին, թե երբ եմ ես իրենց հանելու: Այդ թղթերից ես ամեն տարի պատրաստում եմ տոնածառի խաղալիքներ: Բայց ես չեմ հասկանում՝ ինչու՞ են երգերի մեջ երգում. <<Ձյունանուշիկ մեր տուն արի, տոնածառը զարդարիր>>, եթե Ձյունանուշիկը չի գալիս,  ու իր փոխարեն տոնածառը մենք ենք զարդարում: Ի՞նչ իմանաս, կարող է խցանման մեջ է հայտնվել, կամ էլ իր եղնիկների նալերը չի հասցրել փոխել, և դժբախտ պատահար է եղել: